- Advertisement -
الهجرة الى استراليا

أحدث تعديلات الهجرة و الاقامة لاستراليا تم تطبيقها من يوم 16 نوفمبر 2019

أحدث تعديلات الهجرة و الاقامة لاستراليا تم تطبيقها من يوم 16 نوفمبر 2019 .. وهي كالتالي

1-فيزا 489 هتتلغي تماما وهيتم استبدالها بفيزا رقم 491 

فيزا 491 الجديدة دي هي فيزا اقامه مؤقته مدتها 5 سنين .. والفيزا بتشترط اولا العيش في المناطق الريفيه ثانيا الحصول علي ترشيح ولايه ( أو مقاطعه جوة الولايه )

فيزا 491 المؤقته دي ممكن تحويلها ل فيزا الاقامه الدائمه 191 بعد اثبات انك اشتغلت بالفيزا المؤقته دي في الولايه اللي هتديك الترشيح لمدة 3 سنوات بدوام كامل واثبات حد ادني للدخل .. يعني مش ممكن ابدا تقدم علي اي نوع فيزا اقامه دائمه الا بعد مرور اول 3 سنوات من وجودك ف استراليا بفيزا الأقامه المؤقته دي

2- ادخال بعض التعديلات علي نظام حساب النقط في كل انواع الفيز واعطاء الفرصه للعزاب اكثر عن المتزوجين واهم التعديلات هي :

– ترشيح الولايات أو المقاطعات بقي بيدي 15 نقطه ( كانت الأول بيدي 10 نقط فقط )

– لو انت معاك شهادة دراسيه من استراليا في تخصصات معينه هتاخد 10 نقط زيادة ( كانت الأول 5 نقط بس)

– لو انت اعزب فهتاخد 10 نقط ( النظام القديم مكنتش بتاخد اي نقطه علي الحاله الاجتماعيه)

اقرأ أيضاً:

– لو انت متقدم رئيسي و متزوج … زوجتك ممكن تديك 5 نقط بشرط انها تجيب 6 فيما فوق في الايلتس ..
أو ممكن تديك 10 نقط بشرط انها تكون عملت المعادله الكامله لشهادتها ولازم تكون مهنتها في نفس قائمة الوظائف اللي المتقدم الرئيسي فيها

– في حاله تساوي النقط بين اكثر من متقدم هتكون الأفضليه ل العزاب ثم الأزواج اللي زوجاتهم عملوا معادلات كامله لشهادتهم في استراليا ثم الأزواج اللي زوجاتهم حصلوا على 6 في الايلتس فيما فوق

3- جميع ولايات استراليا شالت الصيدله من قوائمهم وبطلوا يبعتوا ترشيحات للصيادله ..

ومع الغاء فيزا 489 وعدم وجود ترشيحات علي فيزا 190 فكدة طريق الصيادله الوحيد ل استراليا هي فيزا المناطق الريجونال فقط وهي 482 ودي بتشترط انه يكون معاك عرض عمل من مؤسسه او شركه أو صيدليه في استراليا ..
وعشان يكون معاك عرض العمل دة لازم تكون امتحنت الكابس ومعاك ايلتس 7 أو OET أو PTE .. باختصار لو انت صيدلي ومش ضامن عرض عمل من مؤسسه من هناك يبقي انسي سكه استراليا لأنها استكفت من الصيادله ومتضيعش وقت واسعي فورا في سكه كندا

4- الprocessing times للحصول علي الفيزا بمختلف انواعها

* فيزا 189 بقت بتاخد من 6 ل 7 شهور
* فيزا 190 بقت بتاخد من 11 ل 14 شهر
*فيزا 820 للمتزوجين من استراليا بقت بتاخد من 23 ل 31 شهر
* الحصول علي الجنسيه بقي بياخد 6 الى 12 شهر
الهجرة إلى أستراليا , الهجرة الي أستراليا , الهجرة الى أستراليا 

مقالات ذات صلة

زر الذهاب إلى الأعلى
إغلاق
error: