تعرف على تفاصيل هجرة المدرسين الى استراليا 2020

هجرة المدرسين بتكون لكل التخصصات يعنى English. Math.scince .Arabic او اى تخصص اخر

عشان نفكر كمدرسين فى الهجرة طبعا زى ما احنا عارفين لازم نقييم الشهادة بتاعتنا

تبدا بالبحث عن المسمى الوظيفى الخاص بنا فى قوائم الهجرة الخاصة ب فيزا 189 و 190 ودى هنلاقيها فى الرابط هنا

رقم الوظائف المتاحة للمعلمين هو من 46 الى 51
فى قائمة تانى خاصة بفيزا 190 ودى موجودة فى نفس الرابط بس القواوئم اللى تحت ورقم الوظايف دى 112 &113
اسماء الوظائف المتاحة للمدرسين

عشان اقدر اعمل هجرة لازم اعمل تقييم للشهادة بتاعتى 0طيب ماهى جهة التقييم الخاصة بالمدرسين ؟
جهة التقييم هى AITSL ودى مختصة ب Australian Institute for Teaching and School Leadership
ودا الرابط بتاعها ممكن تدخل تاخد جولة فى الشروط بتاعتهم

شروطهم كالتالى
1- التعليم الجامعى 4 سنوات وقت كامل + شهادة التدريب الاكاديمى من الكلية مدة لاتقل عن 45 يوم فى المرحلة اللى هقدم عليها يعنى لو هقدم ثانوى لازم يكون مكتوب فى شهادة التدريب ان التدريب تم للمرحلة الثانوية من سن 13- 18 سنة ونفس الشئ لو هقدم اعدادى او ابتدائى2- شهادة IELTS ويكون ال score بتاعها كالتالى : ان يكون academic وان تحصل على 8 in speaking
& listening
وتحصل على 7 فى كل من reading & writing دا بالنسبة لشروط جهة التقييم عشان تعتمد شهادتك

 

سؤال: هل ينفع مؤهل غير تربوى يتقدم للتقييم ؟

نعم ينفع بشرط الحصول على دبلومة تربوية لمدة عام وبرضو تاخد شهادة من الكلية انك اتدربت 45 يوم وتحدد فيها المرحلة اللى اتدربت فيها بشرط تقدم تقييم على نفس المرحلة

سؤال: هل مطلوب خبرة فى التقييم ؟

لا تطلب جهة تقييم المعلمين خبرة فى مجال العمل ولكن الخبرة مطلوبة لانها بتضيفلك نقاط ولو موجود عندك خبرة تجهزها وتبعتها مع طلب التقييم لانها بتتقيم بنفس السعر اما لو بعتها تتقيم لوحدها فسعرها بيختلف

تكلفة التقييم 815 دولار استرالى وبيتم توريدها عن طريق ال فيزا كارت لحساب جهة التقييم
مدة التقييم بتستغرق 10 اسابيع من وقت استلام اوراقك ودفع قيمة التقييم
طبعا ما ننساش نترجم كل الشهادات المطلوبة ونخلى بالنا لازم الاسم فى الترجمة يكون مطابق للبسبور
نيجى لوظيفة موجودة بس فى فيزا 190
وظيفة teacher of English to speakers of other languages
ودى موجودة فقط فى جنوب استراليا وهتكون محتملة ليك لو ليك قريب هناك لان لو ما فيش لازم تحقق 80 نقطة على الاقل
الموضوع محتاج مجهود ولكن بالعزيمة والاصرار كل شى ممكن يتحقق

يستطيع معلمين اللغة الانجليزية الهجرة الى استراليا بطريقتين الاولى : اما كمعلم عادى يعنى لا ينظر لتخصصه كباقى المعلمين ولكن ينظر الى تخصص مرحلته واختبار الايلتس بالدرجة المطلوبة من جهة التقييم وتم شرح ذلك فى بوست خاص بالمدرسين ودا الرابط بتاعه
ومن خلاله هنعرف ازاى اهاجر كمدرس واللى بتكون معادلته مع جهة التقييم Aitslالنوع التانى من هجرة مدرسين اللغة الانجليزية كمتخصصين فى مجالهم .هو

هجرة معلمين اللغة الانجليزية لغير الناطقين بها Teacher of English to Speakers of Other Languages ودى موجودة بفيزا ١٩٠ ودا الكود بتاعها 249311
طيب ايه مواصافتها وايه المطلوب منها وايه هى جهة المعادلة بتاعتها.
مواصفاتها انك هتقوم بتدريس اللغة الانجليزية لغير الناطقين بها زى ما بنعمل فى مصر وهنلاقى job description للوظيفة على الرابط دا
طبعا واحنا بنكتب شهادة خبرة لازم نكتب الوصف اللى موجود تحت الوظيفة فى الرابط فى شهادة الخبرة وبنختم باسم جهة العمل وممكن المدرسة بتاعتك عادى ولو ليها لوجو بيتحط على شهادة الخبرة .دا بالنسبة لوصف الوظيفة

لو هتقدم على الوظيفة دى لازم تكون واحد من اتنين .
الاول يكون ليك قريب ساكن فى South Australia لانها مطلوبة هناك
والتانى انك تحصل على ٨٠ نقطة ودى ممكن يحققها اصحاب السن الصغير واللى معاهم درسات عليا او درجة عالية فى الايلتس

Overall 7 in each band

جهة التقييم بتاعتها vetassess ودى اسهل شوية من جهة معادلة المدرسين .ودا الرابط بتاعها
بتجهز الاوراق المطلوبة وهى شهادة الخبرة والمؤهل وبيان درجات من الكلية وطبعا كل الاوراق مترجمة ومعتمدة من مكتب ترجمة معتمد .وبترسل الاوراء سكانر وبتدفع 820 دولار استرالى قيمة التقييم . بعد ما يتم التقييم تقدر تقدم على الهجرة مع مراعاة ان نقاطك ٨٠ نقطة

تقدر تقيم الشهادات بتاعتك بدون ايلتس يعنى ممكن تجهز الورق وتبعته للتقييم قبل ما تمتحن ايلتس لان جهة التقييم مش بتشترط اختبار اللغة ولكن اللى بيطلبه هو ادارة الهجرة
ولكن ضمانا لقيمة التقييم المادية .تدخل لغة الاول عشان تضمن درجة الايلتس. موفقين باذن الله?